Hakerët rusë kanë gjetur një mënyrë për të hyrë në llogaritë Skype-it dhe për të marrë kontroll të plotë, duke përdorur vetëm një adresë emaili. Metodat e përdorura janë konfirmuar nga The Next Web kur ata kryen vetë testime.
Metoda në fjalë mund të çojë në ndryshimin e fjalëkalimit nga rrëmbyesi në një llogari të hakuar të Skype-it dhe pastaj i zoti fillestar nuk do të ketë kontroll mbi të.
Për momentin, Skype ka pezulluar ndryshimin e fjalëkalimit, i cili ishte një nga hapat kryesorë për kontrollin e plotë të një llogarie të hakuar. Nëse jeni të fiksuar me llogarinë tuaj, mund të ndiqni këto hapa për të ndryshuar adresën e emailit:
- Shkoni tek skype.com dhe hyni në llogarinë tuaj
- Shkoni tek profili juaj dhe shtoni një adresë të re emaili, që është vështirë të zbulohet nga një haker
- Klikoni Save, pastaj klikoni Edit përsëri dhe vendosni adresën e re të emailit si kryesoren (Primary)
- Klikoni Ruaj, shkruani fjalëkalimin tuaj, klikoni (specifikisht) butonin Enter
- Fshini adresën e vjetër të emailit nga Skype
Një nga çështjet e mëdha me këtë hendek sigurie është se Skype ruan historinë e plotë të bisedave në cloud, kështu që një keqdashës mund të rrëmbejë një llogari për të parë bisedat private dhe personale. Microsoft ka publikuar deklaratën e mëposhtme për këtë problem:
“Kemi marrë raportime për një problem sigurie. Si një hap parandalues, ne kemi çaktivizuar përkohësisht ndryshimin e fjalëkalimeve dhe po vazhdojmë të hetojmë çështjen. Kërkojmë ndjesë për shqetësimin, por përvoja e përdoruesit dhe siguria është prioriteti ynë.”