Hakerat vjedhin të dhënat e 12mln përdoruesve të Apple nga FBI-ja

NJU JORK- Një grup hakerash kanë mundur të hyjnë në një kompjuter të FBI-së duke marrë të dhënat personale të 12 milion përdoruesve të iPhone dhe iPad.  Për të provuar gjithçka grupi me emrin "AntiSec" postoi në internet identitetin e përdoruesve të pajisjeve të Apple. Informacionet e marra nga laptopi i FBI-së përmbajnë emrat e plotë, numrat e telefonit, adresat, kodet postare etj. 

I kontaktuar nga AFP, zëdhënësi i FBI-së Jenny Sheares tha se nuk dëshironte të komentonte këtë ngjarje. Gjithësesi media ka ngritur shqetësimin se pse FBI duhet të mbante në këtë kompjuter detajet e klientëve të Apple. Edhe gjigandi i teknologjisë nuk ka pranuar të komentojë për rastin ndërsa hakerat thanë se e kanë publikuar listën për të tërhequr vëmendjen ndaj Apple e cila krijon kushtet që përdoruesit të gjurmohen. Eksperti i sigurisë Jason Moon tha për median se një fakt i tillë duhet të jetë shumë shqetësues. 
Me Shume:Pastebin 
Per te pare nese UDID juaj pergjohet : thenextweb.com
Nese nuk dini si te gjeni UDID tuaj:whatsmyudid.com