Që nga sot, tre udhëheqës politikë kanë krijuar profile në rrjetin shoqëror të Google+, i cili për pak muaj ka arritur të ketë 25 milionë anëtarë, duke e ditur që është hapur në qershor të këtij viti.
Kryeministri britanik, David Cameron, tha: “Çdo gjë që i bën politikat më të hapura dhe më të qashme do të jetë e mirëseardhur dhe unë jam krenar që polikanët britanikë janë duke kryesuar rrugën kur bëhet fjalë për përqafimin e metodave të reja të lidhjes me njerëzit online, nga e-peticionet tek mediat shoqërore.”
Ky rrjet e ka një veçori të quajtur “Rrathët” që ua mundëson njerëzve të ndajnë përmbajtjen e tyre në mes të grupeve të ndryshme shoqërore. Udhëheqësit do të mund ta përdornin këtë vegël për të komunikuar me grupe të ndryshme si anëtarët e qeverisë apo të tjerë.
Profilet e këtyre politikanëve pritet që të menaxhohen çdo ditë nga skuadrat e secilit udhëheqës politikë, të cilët i kanë llogaritë e tyre në Twitter dhe Facebook.
Përveç kryeministrit David Cameron, dy udhëheqësit e tjerë të regjistruar janë: zëvendës kryeministri britanik, Nick Clegg dhe Ed Miliband i cili është udhëheqës i Partisë Laburiste./botaInformatikes