A mundet të jetë ky fundi i Skype? Mozilla njoftoi se gjatë javëve të ardhshëm një program i ri do t'i ofrohet publikut.
Firefox Hello është një shfletues i bazuar në shërbimin video dhe audio bisedë, që i lejon përdoruesit të bisedojnë me këdo në internet pa u regjistruar apo shkarkuar ndonjë gjë."Firefox Hello ofron më shumë për përdoruesit e Firefox, duke e bërë më të lehtë që të komunikojnë me miqtë dhe familjen të cilët munden të mos e kenë të njëjtin shërbim për video bisedë si ju",
tha kompania në një postim në blog, transmeton BotaInformatikes.
Mozilla përdorë një platformë OpenTok nga TokBox, një program nga Telefonica që punon në mënyrë përfekte në WebRTC (Komunikim në Kohë Reale në Web).
Për momentin, kjo veçori është në dispozicion vetëm në versionin Beta të Firefox. Por si mund të bisedoni me dikë pa pasur llogari? Chad Weiner nga Mozilla shpjegon se ju vetëm duhet të dërgoni një link për pranim të thirrjes tek personi tjetër. Biseda fillon kur partneri juaj e klikon linkun. E gjitha çfarë ju dhe miqtë tuaj keni nevojë është një shfletues që mbështetë WebRTC.
Përveç Firefox, Opera dhe Chrome janë në të njëjten kategori. Sidoqoftë, Safari dhe Internet Explorer nuk e mbështesin Firefox Hello.