 |
| Problemi do të dukej kështu |
Kur kompjuteri fiket apo duhet të fiket pa paralajmërim për shkak të ndonjë problemi që mund të ketë ose duhet të ristartohet pas ndonjë instalimi ose përditësimi, do të niset aplikacioni AUTOCHK për ta kontrolluar diskun tuaj për ndonjë gabim që mund ta ketë.
Kjo edhe do të jetë e mërzitshme, posaçërisht nëse lajmërohet çdo herë kur ju startoni kompjuterin tuaj.
Për ta rregulluar këtë problem veproni si në vijim:
1. Klikoni butonin Start
2. Nga menyja Start zgjidhni Run
3. Në kutinë për dialog shkruani: cmd
4. Do të hapet dritarja command prompt
5. Në dritaren command prompt shkruani: fsutil dirty query DISKU: (në vend të DISKU shkruani shkronjën e diskut që ju keni problem me të p.sh. E).
6. Shtypni Enter
7. Përgjigja nga vetë sistemi me siguri se do të jetë që “the disk is dirty”
8. Tani shkruani: CHKNTFS /X DISKU: (në vend të DISKU shkruani shkronjën e diskut që ju keni problem me të p.sh. E) dhe shtypeni tastin Enter.
9. Parametri X, në rastin tonë, i thotë Windows-it që të mos e kontrolloj diskun në fjalë.
10. Tani në mënyrë manuale ristartoni kompjuterin tuaj.
11. Tani do ta vëreni se CHKDSK nuk do të paraqitet gjatë startimit për diskun në fjalë.
12. Pasi ta konfirmoni se CHKDSK nuk është paraqitur prapë dhe pasi të hapet Windows-i tani prapë shkoni në butonin Start, zgjidhni Run, shkruani cmddhe shtypeni tastin Enter.
13. Në dritaren command prompt tani shkruani: chkdsk /f/r DISKU: (në vend të DISKU shkruani shkronjën e diskut që ju keni problem me të p.sh. E) dhe shtypeni tastin Enter
14. Pasi të skanohet DISKU në pesë hapa së fundmi shkruani komandën: fsutil dirty query DISKU: (në vend të DISKU shkruani shkronjën e diskut që ju keni problem me të p.sh. E) dhe shtypeni tastin Enter
15. Windows-i do t’ju konfirmoj se DISKU juaj tanimë nuk është “dirty”