Bota Informatikes

Disa dite me pare Android 5.0 Lollipop u lancua por, një developer arriti të na zbulojë... nje loje që fshihet në të! Google e ka si zakon që të vendos vecori të "fshehura" në çdo version të Android dhe këtë herë kemi një easter egg të lezetshme, që do ju sjellë ndërmend diçka nga Mario Bros dhe sigurisht, lojën e shumëpërfolur... Flappy bird ! Ndiqni videon , nga regjistrimi që realizoi përdoruesi i Youtube, Sam Nalty.

Në publik i përbërë nga 40.000 fansa të lojës League of Legends ndoqi ditën e djeshme finalen e kampionatit në Seul. Në stadiumin e kampionatit botëror, u ndeshën Star Horn Royal Club me Samsung White.  Skuadra Samsung pati një luhatje të vogël gjatë ndeshjes së tretë (në total luhen 5 ndeshje),por nuk bëri gabime të tjera: ishte një lojë relativisht e lehtë për të grupin nga Korea. Skuadra fituese, Samsung White, u kthye në shtëpi me 1 milion dollarë!

Duke qenë se jemi në klimën festive e lançimit të Halo: The Master Chief Collection , Microsoft njoftoi se në total si franchise, Halo ka shitur mbi 60.000.000 njësi në rang botëror! Kjo shifër përfshin të gjithë anëtarët e familjes Halo, por gjithësesi kjo është një shifër tepër e madhe. Siç lexojmë edhe në blog-un zyrtar, "13 vjet më parë, doli në treg loja historike Halo: Combat Evolved, ndërsa 10 vjet më parë Halo 2 ndryshoi botën e gaming përgjithmonë. Në Total, janë regjistruar mbi 6 miliard orë loje nga lojtarë që janë lidhur me Xbox Live për të luajtur një lojë Halo". Shifra mbresëlënëse!